2005/11/19

Sor e çaroka serê min

گـــــه‌هــــا من!
گـــــه‌هــــا من! ئه‌و خــه‌م شیره‌تێن ڤه‌هاندی.
ژ هه‌ناسه‌کا کویر دفڕی،
گـــــه‌هــــا من!
ئه‌و کالۆخکێ ب ده‌ربێنکێ
سۆڕ و ڕه‌ش بـــــــــادای،
ژ داڤێت دینه‌ڕۆژێت من د هه‌ڕکـــــی،
گـــــه‌هــــا من! ئه‌و سڵاڤێت شرین‌گه‌زۆ،
چ بکه‌م؟
سۆز ددم گه‌ردونا خوه
هێــــــــدی هێــدی ب ته‌حسم،
ژ وێ پێلا نیڤ هه‌لوه‌شیای
باسکێت خوه درێژ بکم و فێری وه‌ستیکێ بکم.
لگه‌ل طاووسێن کیڤی
سۆز ددم ب زه‌مه‌رۆدا هه‌ر دوو چاڤێن خوه
گه‌ر شین ببم جاره‌ک دن
ل باغێ مریم‌ العزراء
ببم بویکه‌ک ژ که‌ڤۆکا سپیتـــر،
ل قوچالکێن دێرا، مه‌هـــرا مه‌خینــــا ببڕم.
چ بکه‌م؟
ته ده‌ستێن خوه دانی سه‌ر،
ئه‌و عاشقبه‌ندا د گه‌رده‌نـــــا من‌دا.
سی‌هـ و حه‌فت موریێن فه‌یرۆزی،
ڕیز ب ڕیز
د گه‌رده‌نـــا مــن‌دا
شیـن بۆنـــــــه،
دوو جان بۆنــــه هندی دکێشـم،
د به‌زیـــنم،
ل گه‌ل ئاسوێن خه‌ونـــــا من هه‌و ددن
نالینێ ژ ڕۆژا من دکێشن...

س.ه‌.ل.و.ا.گ.و.ل.ی