2004/02/12

له به‌رژه‌وه‌ندی ئیمانه‌وه
شه‌وقێ سه‌ركه‌ش
ئه‌مبا به‌ره‌و ناخی گوناه
كاره‌ساتێ شك ئه‌به‌ی
په‌نجه‌ی سووری منی پێوه‌ نه‌بێ؟
یان رێكه‌وتێ
تێخی دوو ده‌می ووشه‌ی من نه‌یگه‌ستبێ؟
دوو دڵ مه‌به‌!
له ژێر ئه‌م هه‌وری سپی و گومانا
زه‌مبیله‌كه‌ت پڕكه له زه‌رده‌خه‌نه و زه‌مبه‌ق
نه‌كا په‌نجه‌كانم
ببن به پلووسكی باران
وه‌ره گریێ رازێ بكه‌ینه‌وه
ژووره‌كه‌ی من
له به‌رژه‌وه‌ندی جیهان دایه
وه‌ره
با مه‌لی ئیمان
بمان با به‌ره‌و ناخی گومان.
جه‌میل مه‌فاخری